Мектептің ашылған жылы: 2012ж

Мектеп тарихына көз жіберсек, ол сонау 1950 жылдан бастау алды. Содан бері сан қилы тарихи жолдан сүрінбей өтіп, бүгінгі күні өзгелерге үлгі боларлықтай «Қара шаңырақ» атағына ие болып отыр. Сол жылдардан бері орыс бастауыш сынып мектебі болып ашылған. 

1993-1994 жылдары «шағын комплектілі» қазақ бастауыш сыныптары болып өзгертілді. Ол мектепте меңгеруші болып Құсайынова Светлана Жамаханқызы сынды апайларымыз еңбек еткен. 2000-2004 жылдар аралығында бастауыш мектеп меңгеушісі болып Бараков Бағдат Нұрмәулетұлы қызмет атқарды. 2005 -2012 жылдар аралығында меңгерушілік қызметті Берліқожанова Бұлғын Әділбекқызы атқарды.

2012 жылдың 15 қазанында «100 мектеп, 100 аурухана» бағдарламасы бойынша Байғазы ауылында 80 орындық Байғазы орта мектебі-шағын орталығы болып ашылды. Мектептің мектеп басшысы болып Дүйсенбаев Қайсар Ертісұлы тағайындалып, қызмет етті. Ал 2015 жылдың 10 сәуірінде мектеп директоры қызметіне Омаров Нурдаулет Абдыгапарұлы тағайындалып өз қызметін атқаруда. 

Қазіргі таңда жас ұрпаққа білім беру үрдісінде 28 мұғалім еңбек етуде, 117 оқушы білім алуда.