Мерекелік іс-шаралар

Тәрбие жұмысы Білім және ғылым Министрінің 2009 жылғы 16 қарашадағы № 521 бұйрығымен бекітілген ҚР үздіксіз білім беру жүйесіндегі тәрбие тұжырымдамасын, ҚР Үкіметінің 2012 жылғы 29 маусымдағы № 873 Қаулысымен бекітілген білім беру ұйымдарында оқыту процесінің тәрбиелік құрамдасын күшейту жөніндегі үлгілік кешенді жоспарды, Қазақстан Республикасы Білім және ғылым министрінің 2015 жылғы 22 сәуірдегі № 227 бұйрығымен бекітілген ТӘРБИЕНІҢ ТҰЖЫРЫМДАМАЛЫҚ НЕГІЗДЕРІ құжатты негізге ала отырып мектеп тәрбие жөнінде жұмыс жасады.

2016-2017 оқу жылының тәрбие жұмысының бағыттары:

·Қазақстандық – патриотизм, және азаматтық тәрбие,құқықтық тәрбие.

·Рухани адамгершілік тәрбиесі.

·Отбасы тәрбиесі.

·Ұлттық тәрбие

·Еңбек экономикалық және көркем-эстетикалық тәрбие

·Көпмәдениетті және көркем-эстетикалық тәрбие

·Зияткерлік тәрбие

·Дене салауатты өмір салты тәрбиесі

 

2016-2017 оқу жылындағы сынып жетекшілер саны – 14. Барлық сыныптардың тәбие жоспарлары 8 бағыт бойынша жасалынды. Оқу жылының басында тәрбие жұмыстарын ұйымдастыру жалпы мектептік жұмыс жоспары бойынша жүргізілді және жолдажүру ережесі мен техника қауіпсіздігін сақтау бойынша әр сыныпта арнайы жоспар бойынша дәптерлер арналып, ата-аналардың баласының сабаққа келіп кетуіне, денсаулығына жауапкершілікті алу туралы қолдары қойылды.

Байғазы орта мектебі мектепке дейінгі шағын орталығында «Мектепке жол» акциясының өтілу барысында 2016 жылдың 1 тамызынан 15 тамыз аралығында «Мектепке жол» дәстүрлі республикалық қайырымдылық акциясының «Бақытты балалық шақ мекені» атты ұранымен өткізілуде. Акция жоспары құрылып, бекітілді. Комиссия мүшелері сайланды. Қайырымдылық акциясы туралы көрнекі үгіт-насихаттарды (плакаттар, парақшалар, буклеттер) жүргізілді. Жоспар бойынша шағын аудандарға жауапты мұғалімдермен , сынып жетекшілерге мөлтек аудандары бойынша рейдтер жасап, мектепке балаларды жинау бойынша көмекті қажет ететін аз қамтамасыз етілген отбасылар анықталып, есепке алынды. «Мектепке жол» ақпараттық стенді дайындалды. Акцияға қамқорлық көрсетушілер мен меценаттарды тарту үшін жеке шаруа қожалықтарға , кәсіпкерлерге акциясына қатысуға өтініш - хаттар жіберіліп, көмек қолын созам деген ауыл азаматтары үшін хабарландырулар ілінді. Акция барысында (спонсор есебінен) 1-сынып оқушысы Тұрсын Наурызбайға (көп балалы) – 5000 теңге , жеке кәсіпкер Истамбеков Әділхан 9-сынып оқушысы Дмитриев Дмитрийге (аз қамтылған) 7000 теңге ақшалай көмек көрсетті. Байғазы орта мектебі-шағын орталығының ұстаздары тарапынан да көмек көрсетілді, атап айтсақ бастауыш сынып мұғалімі Баракова Бибигүл Қанатқызы 1-сынып оқушысы Есбатыр Әлмұхамедке (көп балалы) спорттық аяқ киім, математика пәнінің мұғалімі Исабекова Айсұлу Әбдімаратқызы 6-сынып оқушысы Мауленбай Дамирге (аз қамтылған) ақ жейде берді.

Байғазы орта мектебі мектепке дейінгі шағын орталығынын жалпыға бірдей оқумен қамту айлығында 1-11 сынып оқушыларының арасынан жетім, жартылай жетім, аз қамтылған, сәтсіз отбасы және көп балалы жанұядан шыққан оқушыларды, «Д» есепке алынған және мүгедек оқушылардың тізімі алынып, ауыл әкімімен, жергілікті аурухананың дәрігерімен келісіліп, бекітілді. Мектеп бойынша жетім оқушы жоқ, толық емес отбасы 2 жанұядан 4 бала, аз қамтылған 12 жанұядан 19 бала, 23 көп балалы отбасынан 56 бала бар. «Д» есепте 6 бала, 1 мүгедек, 2 оқушы үйде оқиды. Сәтсіз жанұядан 1 оқушы мектепшілік есепке алынған (анасы балаларын себепсіз жағдайларда тастап кеткен.)

Жалпыға бірдей оқумен қамту айлығында құрылған комиссия мүшелері, педагог психолог, ата-ана комитетінің мүшелері бірлесе отырып аз қамтылған, жартылай жетім және көп балалы отбасынан шыққан оқушыларды үйлерін аралап, тұрмыс жағдайларын, оқушылдардың сабақ оқитын, демалатын, жатын орындарын көріп акт жасады.

1-11 сынып оқушылар арасынан 30 бала ыстық тамақпен қамтамасыз етілсе, 3 оқушыға мектеп формасы, қыстық киімдер мен аяқ киімдер және оқу құралдары «Жалпыға бірдей білім беру қорынан» бөлініп берілді, 1 оқушы аудан әкімінің жаңа жылдық «Қайрымдылық шыршасына» қатысып сыйлықтар алды

 

Қазақстандық патриотизм және азаматтық тәрбие, құқықтық тәрбие бағыты бойынша төмендегі іс-шаралар өткізілді: «Алғашқы қоңырау – 2016» салтанатты жиын, «Менің Отаным – Қазақстан» сынып сағаттары, «Туған жер» сайыс сабағы, «Үштұғырлы тіл» тілдер апталығы өлеңдер сайысы, «Елі еріне, ер еліне сенген ұлы тұлға» кітап көрмесі, «ЭКСПО-2017: балалар көзімен» сурет сайысы, «Біздің президент ұлт көсемі» сынып сағаты, «Н.Ә.Назарбаевтың өмірбаяны – тәуелсіздік жылдарындағы Қазақстан тарихы» кітапханалық сабақ, «Менің тұңғыш президентім» спорттық іс-шараларөтілді. 2016-2017 оқу жылына арналған ҚР Мемлекеттік рәміздерін насихаттау және дұрыс қолдану мақсатында іс-шара жоспары құрылып бекітілді. Мектепте ҚР Мемлекеттік рәміздерін насихаттауға арналған көрнекі құралдар және бұрыштар бар. Мұғалімдер және оқушылар Мемлекеттік рәміздердің авторларын, Гимннің мәтінін жатқа біледі. Мектеп кітапханашысы А.Берликожанова Мемлекеттік рәміздерге байланысты арнайы көрме ұйымдастырды. Қазақстан Республикасының Мемлекеттік рәміздерін насихаттау және дұрыс қолдану мақсатында 2016-2017 оқу жылына арналған іс-шара жоспарына сәйкес желтоқсан айында «Көк туым» әскери сайыс өткізілді. 1-11 сыныптар арасында өтілді, барлық сынып жетекшілер белсене ат салысты. Кітапханашы жетекшілігімен ҚР мемлекеттік рәміздері туралы баспасөз материалдары мен әдебиеттерден стендтер, арнайы бұрыштар ұйымдастырылды.

Рухани-адамгершілік тәрбие: «Жолдан абай бол!», «Ұстаз – ұлы тұлға» мерекелік шара , «Қариясын ардақтаған ел - ардақты» кітаптар көрмесі, «Егер мейірімді болсаң ол жақсы» сурет сайысы, «Қариясын қастерлеген – ел ардақты» мерекелік бағдарлама, «Ислам дінінің ізгілігі» дөңгелек үстел, «Үлкенге ізет, кішіге құрмет» пікірталас сабағы, «Иман айнасы» лекция, «Ерлік ел есінде» ардагерлермен кездесу, «Көктем келді күлімдеп» сурет көрмесі, «Бірлігіміз жарасқан» фестиваль іс-шаралары өткізілді.

Ұлттық тәрбие: «ҚР Конституциясы негізінде» әңгіме, «Мемлекеттік рәміздер – тәуелсіздіктің қасиетті белгілері» салтанатты сап, «Қазақстан – туған жер, алтын таң» сурет байқауы, «Қысқы марафон-2017» КТК сайыс, «Діни экстремизмге қарсы күрес» дөңгелек үстел, «Ата-баба мұрасы – ұлттық құндылықтарымыз» қолөнер көрмесі, «Мәдениет күндері» ұлттар достығы сабағы өткізілді.

Отбасы тәрбиесі: «Дені сау ұлттың кілті – салауатты өмір салтында» отбасылар спорттық сайысы, «Отбасы – бақыт мекені»тақпақтар сайысы, «Отбасым – менің тірегім» аналар арасында сайыс, «Отбасы күні – махаббат пен адалдықтың белгісі» отбасылық фото көрме, «Мен кіммін жәнеменің отбасым кім?» ата-аналар мен оқушылар арасында танымдық сағат, «Отбасы бізден басталады» асфальтта сурет салу сайысы, «Бірінші сынып ата-аналарына психологиялық кеңес» ата-аналармен тренинг, «анам, әкем және мен» отбасылық сайыс, «Қызға қырық үйден тыю» дәрігерлік кеңес отырысы, «Анамызға мың алғыс» сынып сағаттары, «Әкең дана қоғаның» тәрбие сағаттары өткізілді.

Еңбек, экономикалық және экологиялық тәрбие: «Экологиялық десант» тазалық күні, «Күз жомарт» жемістерден көрме жасау сайысы, «Қанағат – дәулетке жеткізер жол» тәрбие сағаттары, «Өмірді жоспарлау жобасы» жарыс, «Қыс қызығы» сурет сайысы, «Табиғат аясы – адамзаттың алтын бесігі» қабырға газеттер сайыстары өткізілді.

Зияткерлік тәрбие, ақпараттық мәдениет тәрбиесі: «Қызықты информатика» слайдтар сайысы, «Тазалық – денсаулық кепілі» постерлер сайысы, «Көшбасшы» интеллектуалдық ойын, «Біз бақытты баламыз» КТКойындары өтілді.

Көпмәдениетті және көркем-эстетикалық тәрбие: «Мектеп формасы» түсіндірме сағаты, «Жолдос көмекке асығады» сынып сағаттары, «Жол белгісін білейік, аман-есен жүрейік» шығармалар сайысы, «Жолбелгісін білесің бе?» сынып сағаттары, «Алтын күз – 2016» мерекелік кеш, «Әліппемен қоштасу» сынып сағаты, «Жаңа жыл – 2016» мерекелік кеші, «Байғазы жұлдыздары» ән байқауы, «Өнегелі жеңге, өнерлі қыз» байқауы, «Армысың, әз Наурыз» мерекелік кеш өтілді.

Дене тәрбиесі, салауатты өмір салты: «Шынықсаң шымыр боласың» сыныпаралық сайыс, жолдастық кездесулер, «Көңілді старттар» эстафеталар, «Табиғат аясында» спорттық ойын, «Салауатты өмір салты – ұлт саулығының кепілі» тәрбие сағаты, «Спорт – біздің досымыз» спорттық жарыс, әскери-спорттық эстафета, қысқы көңілді старттарэстафеталық сайыстар, баскетбол,волейбол, футбол ойындарынан сайыстар, «Күрес» спорттық сайыс, «Ең спортшы ару»спорттық сайыс, «Ұлттық спорттық ойындар» асық ату сайысы, теңге алу сайысы, «Көңілді старт» эстафеталық сайыс, әскери-спорттық сайыс, «Әскери спорттық әндер» сайыс спартакиада, «анам, әкем және мен» отбасылық сайыстары өткізілді.

 

Байғазы орта мектебі мектепке дейінгі шағын орталығында 2016-2017 оқу жылының Қазақстан Республикасының Тәуелсіздігінің 25 жылдығын мерекелеуге арналған іс-шара жоспары құрылып, бекітілді. Сол жоспар бойынша 28 қараша Ұлттық валюта күні орай «Ұлттық валюта күні «Алтын теңге» Қазақстан Республикасының ұлттық валютасын енгізу тарихы» атты танымдық ойын өткізілді.

Жалпы осы шараны өткізудегі мақсатым - оқушыларды тәуелсіз еліміздің ең бірінші айрықша белгісі-теңгемен тереңірек таныстыру, төл теңгеміздің шығу тарихы, айналымға ену кезі туралы мағлұмат беру; Оқушылардың бойында елімізге деген ыстық сүйіспеншілікті, мақтанышты сіңірту; Елін, жерін сүйіп құрмет тұтатын жас жеткіншіктерді елжандылыққа тәрбиелеу болып табылады. Сонымен қатар оқушыларға ұлттық валюта – теңгеміз жайлы түсінік беріп өттім. Яғни, теңге өмірге оңайлықпен келген жоқ. Елбасымыз өз теңгемізді шығаруына қаржыгерлерге арнайы тапсырма берді. Ұлттық валютамыздың өз дизайні , өз идеясы болуы керектігін қатаң тапсырды. Қазақстан аймағында ерте кезеңде қандай ақша болғанын , тарихта бұл жөнінде қандай деректер бары іздестірілді.

Ұлттық валютамыз теңгені жасап шығаруға байланысты жұмыстар жүргізілді. Бірнеше эскиздер жасалып, ішіндегі «мықтылары» Елбасының таңдауына берілді. Елбасының берген тапсырмасына сәйкес ұлттық валюта екенін айтып толықтай түсіндірілді. Бұл танымдық ойын болғандықтан, оқушылар теңге туралы қосымша мәлімет айтты және берілген сұрақтарға жауап берді. «Тәуелсіздігі мен ұлттық валюта – ажырамас ұғымдар. Ал теңгеміздің орнықты болуы, сонымен қатар, қаржы саласының тұрақты болуы тәуелсіздігімізді арттыра түсетіні хақ» - деген оқушылардың түйінді сөздерімен танымдық ойынымызды аяқтадық. Оқушыларда өз ойларын қорытындылып айтуға тырысты.