Мектеп ұжымы

2016-2017 оқу жылы 28 мұғалім жұмыс істейді. Сапалық құрамы бойынша жоғары санат-1 І санат-6, ІІ санат- 12, санаты жоқ –9 мұғалім. Оқу жылы 114 оқушы, 13 сынып комплектісімен басталды. Бір мектепалды дайындық тобы болды.

Оқу жылының аяғында 117 оқушы, 13 сынып комплектісімен аяқталды. Жалпы білім сапасы І жарты жылдық 50 % , үлгерім 100%.

Жылдың басында мектептің әдістемелік жұмысының жоспары құрылды. Мектеп директорының бұйрығымен әдістемелік бірлестік жетекшілері тағайындалып, функционалдық міндеттерімен танысты. Әр бір бірлестік мектептің әдістемелік жұмысының жоспарына сай бірлестіктің жылдық жұмыс жоспарын жасады және жоспар бойынша жыл бойы жұмыс атқарылды.

Әдістемелік жұмыс жоспары бойынша тамыз айында педагогикалық шеберхана жұмысы ұйымдастырылып, шығармашылық топ және әдістемелік топ құрылып, құрамы бекітілді.

Әдістемелік кеңестің жұмыс жоспары бойынша алты отырыс жоспарланған.

Жоспардың орындалуын әдістемелік бірлестік жетекшілері жыл бойы қадағалап, сараптамалық анықтама жазып отырды. Сондай ақ отырыстарда төмендегі мәселелер қарастырылды: Мектепішілік өребәйгені ұйымдастыру және аудандық өребәйгеге дайындық; Дарынды оқушылармен жұмыс; Оқушылардың логикалық ойын дамыту жолдары; Бақылау жұмыстарының сараптамалары; Жас мамандармен жұмыс; ҰБТ -ге дайындық және сынақ тесттерінің қорытындылары, сараптамасы, қатемен жұмыс; Әдістемелік бірлестіктердің апталықтардың өткізілуі туралы; Әр түрлі әдістемлік тақырыптар бойынша баяндамалар; Сабақ сапасы мен оқушылардың рейтингісі; таңдау пәндерінің бағыты.